برغل بالفول بالزيت جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. اكله بسيطه وطيبه كتير ذكرتني بأيام الجمعات عند تيته و سيرين النسوان ههههه سيرين يعني مشواير جمع كلمه سيران ايام كانت حلوه

• كاستين برغل خشن
• 0.5 كيلو فول اخضر مفرز او تازه هلئ وقت الفول
• 0.5 كوب زيت زيتون
• 5 سنون توم مهروس
• حزمه كزبره خضره
• ملح

• 1   اول شي منفور الفول مع غمرو مي وملعقه كبيره سكر عشر دقايق وبعدين منصفيه من المي ومنصب عليه مي بارده
• 2   منغسل البرغل عدت مرات بلا نقع
• 3   بحط زيت الزيتون بطنجره ومنقلب معن الفول بعدين بحط فنجان صغيره مي وبترك الفول يستوي مع ملح
• 4   بهرس التوم ومنغسل الكزبره بس يستوي الفول بحط التوم والكزبره
• 5   بضيف عليهم كاستين مي ومنزبط الملح بنزل البرغل فوقن لازم المي تكون فوق مستوى الرغل مقدار نص اصبع يعني البرغل بياخد مي اكتر من الرز
• 6   انا حطيت كاستين مي بس لانو الفول نزل مي هو والكزبره اذا وقت حطيتي البرغل فوق الفول كان الفول ناشف زيدي نص كاسه مي كمان
• 7   بس تنشف ميه البرغل منهدي النار ومنتركو يتهدى خمس دقايق وببتقدم سخن مع فجل وبصل واخضر وطبعا سلطه ولبن بخيار يمممي